Agimat

Panalangin para kay San Baraquiel

2009-04-10T16:44:00.003+08:00

Si San Baraquiel ang tagapag-alaga sa langit at lupa at siya ang taga-tulong at taga-ampon sa lahat ng kampon ng Poong Diyos kaya siya ay may dalang bata.

Panalangin

Oh kagandagandahang Arkanghel San Baraquiel puspos ng kaluwalhatian ng langit pinagpala kang lubos at sa iyong karangalan ay tinawag kang Bendisyon ng Poong Diyos. Ipanag-aamoamo namin sa iyo ng buong taimtim na kung mangyayari na sa pamamagitan mo ay makamtam namin ang bendisyon ng Poong Diyos, ngayon, bukas at magpakailanman. Siya Nawa.

Antifona

Sancti spiritus domorum benedictionesque at gratise divinae minister Sancto Baraquielem era ut Deus infundat nobis, spiritum fortitudine spiritum sapiente, spiritum veritatis, que adversus daemonium insidias corporis que fragilitatem, mundi quoque tenebras, et inquinamenra resitere sanctis que operibus insudare velearus.

Oratio

Deus bonorum omnium largitur opem at gratiam tuam concede nobis quaesumus fine que nihil a nobis effici potest ut per inspirationem. Sancti spiritus nos incumberdis bonis operibus Sanctum Baraquielem habere mereamur adentorem ad defelondum mentis nostri dubietatis ut agnus camus que nobis necitusa sunt serenatis que sensibus nostris benedictiones et gratiae tui sempiterni capaces officiamur. Per Dominum Nostrum Jesum Christum et in unitate spiritus Sancti Deus, per omnia saecula seculorum. Amen

Oracion upang maligtas sa lisyang hatol ng hukom

OBTI MIHI MIHI BENDITIONEM DEI ET FACME NUMQUAM SEPERARE A DEO

Si San Baraquiel ang bantay kung araw ng Sabado kaya't siya ang dapat tawagan sa araw na ito.

AGNUS VENITE SALVAME SALVATORE

Eto ang ilan sa mga orasyon na nais kong ibahagi sa araw na ito ng Biyernes Santo para sa mga magbibiyahe:

1. Oracion sa pagkababa ng sasakyan upang makaiwas sa disgrasya

SPIRITO AMATAR ADARSI OLIOM FACTORIM ABISMO AMEN

2. Sa lakas -- bulong sa kamay tatlong tapik sa bubuhatin

BATO CRISTE ARMA BACALARA

3. Lakas -- tatlong tadyak sa lupa

SANTONG JOB TIRAC BATO TIRAC BATO TIRAC BATO

4. Orasyon kung mag-iiwan ng gamit upang hindi pakialaman

SABARAC HABARAC HABARAC SARAC OLAP

5. Orasyon habang naglalakbay ang sasakyan

VERBO JESUCRISTO JESUS IMPASI

at

JESUS CHRISTI SALVE ME
JESUS CHRISTI LIBRE ME

6. Orasyon laban sa mga masasamang loob

CURATIS VERBUM QUIA EGOSUM JESUS EGOSUM MARIA TRAJOME

7. Tagaliwas sa kapahamakan

ESMERENCIANA SUMITAM APHILAM GOAM LAMOROC MILAM

8. Pampawi ng gutom bulong ng tatlong beses sa tubig na iinumin

OPHEVETE

9. Papondo sa kaaway o masasamang loob

ATME HUIV RESEOC

o kaya

EGOSUM GUSAMAC CRISTONG GUSAC MAC

Panalangin para kay San Judiel

2009-04-10T16:24:00.003+08:00

Si San Judiel ang tagapag-biyaya at taga-pagkaloob ng awa ng Poong Diyos kaya ang kanyang taglay ay balutan ng mga bulaklak

Panalangin

Oh kahanga-hangang Arkanghel San Judiel, ikaw nga ang tinatawag na tagapag-pahayag ng puri at karangalan ng Poong Diyos, kaya ikaw nga ang aming tinatawagan at dinaraingan sapagka't sa iyong mga labi lamang nagmumula ang matatamis na papuri na nagbibigay ng tuwa't ligaya sa kalakilakihang lumalang ng sangsinukob. Kaya nga ipinagaamo-amo namin sa iyo na kami'y mapabilang at mapasama sa mga nagpupuring walang humpay sa Kanyang kaluwalhating walang hanggan. Siya Nawa.

Antifona

Judiel operum nostrorum sedule espectator et que renumerator sapiente, Dei minister virginum que custos que ligitime certantes corona donas omondadus corrispis flagelio consulo, subre in que nobis, rogamus suplices ut a delinquenali lapsu cite resurgamis.

Oratio

Deus omnipotens et omnium operum inte estimator qui per Sanctum Judielem. Optime consilii tui ministrum bonorum que remuneratorem ad to constitutum premia retribuis improbis vere correctionem infligiote humiteter quaesumus ut nobis implorentibus opemtanti principes bone consulentis inste que renumerantes tua iluminatrix gratia dirigat nostrus actus in lege tua revacorque flagelationem pro nostris offensis irrogandum. Per Dominum Nostrum Jesum Christum. Amen

Oracion upang mailigtas sa apat na elemento

ESTO MIHI UMBRACOLUM ET FACME ISSIDIUM INCOMPETENDO DOMINO

Si San Judiel ang bantay kung araw ng Biyernes kaya't siya ang dapat tawagan sa araw na ito.

CRUCEM PASTOR BENEDICTOR REX JUDIORUM EGO SUM

Panalangin para kay San Setiel

2009-04-10T15:48:00.003+08:00

Si San Setiel ang tagapaghain at taga-panalangin sa Diyos ng anumang magaling na gawa natin, kaya't ang kanyang taglay ay Incensario.

Panalangin

Oh kataka-takang Arkanghel San Setiel, seraping lipos ng alab ng maluwalhating pag-ibig, ikaw nga ang tinatawag na Panalangin ng Poong Diyos na Panginoon ng lahat, at dahil sa amin ay dumadalangin ka ng walang humpay na kami ay kaawaan. Idinadalangin namin sa iyo na hingin sa Poong Diyos na alisin sa amin ang lahat ng bagay na di niya kinalulugdan at ihalili ang kabanalan na ipagiging dapat sa kanya ng aming kaluluwa, upang papagkamtin ng kanyang mahal na biyaya sa kaluwalhatiang walang hanggan. Siyanawa.

Antifona

Magna minister misericordie Dei petende et omnium fidelium Patrone Beate Setiel, contemplare quaesumus nostram humanam fragilittem ne nostros ab horeas reatus neve de digneris pro nobis semper orares dedimitare Jesum vestrum redentorem qui sedenes ad dexterram Dei Patris dignatus est esse noster advocatus.

Oratio

Deus misericordiarum Deus indificienes que pro imbecilitatis humane beatibus beatum Setielem tui misericordie ministrum oratem pronobis ab imitio esse voluiste to suplices precamur ut tanti. Patroni Patrecinie et oratoris oratione nes ab omnibus malis in minentibus eriperi nostras que iniquitatis secumdum multitudinom miserationum tuarum abolere disneries, per Dominum nostrum Jesum Christum, Amen.

Oracion sa paghingi ng tawad at awa sa Diyos

PETE MIHI A DEO INDULGENTIAM PECCATORUM MIHI PULCRUM

Si San Setiel ang bantay sa araw ng Huwebes kaya't siya ang dapat tawagan sa araw na ito.

LIBERAME LIBERATOR ANIMABUS PAMULORUM SICUT DEUS

Panalangin para kay San Uriel

2008-09-30T22:30:00.006+08:00

Paumanhin sa matagal na panahong hindi ako nakapagsulat. Lubhang marami ang aking mga gawain nitong mga nakaraang linggo. Sa mga nagkokolekta ng panalangin para sa pitong arkangheles narito ang panalangin patungkol kay San Uriel.

Si San Uriel ang Hustisya Mayor sa langit, kaya't ang kanyang taglay ay timbangan at espada.

Panalangin

Oh dakilang Arkanghel San Uriel, ikaw na maliwanag na Ama at Panginoon ng kalahat-lahatang ilaw, ikaw ang tanging tanglaw ng mga nasa kadiliman na nagugumon sa kasalanan, idinadalangin namin sa iyo na balutin mo ang aming puso ng kasanto-santusang pag-ibig at alisin mo sa amin ang dilim at ulap ng mga kasalanan upang makita namin at makamtan ang liwanag ng kanyang kaluwalhatian, ngayon at magpakailan man, Siya Nawa.

ANTIFONA

Oh fulges divinis magistatis Oh ruber in beate potestatis, oh flamma ignite caritatis, illumina mentes nostras ne inducamur intentationem et glaudie tui potestatis nostrure digneris.

ORATIO

Deus qui ex-incomparable tua clementia Beatum Urielem illuminationis tui ministrem inefabile caritate ardentem tuis fidelibus vigilem tutorem prepulsantem tentamenta daeminium sociaste tribue quesumus ut nos recurrentes atatelam tantis esplandoris dopolisis mentis nostri tenebris agnus cames ea que nobis salutaria sunt et latentes demonum tenticulos penitus declinenus. Per dominom nostrum Jesum Cristum. Amen.

Oracion para sa pangpalubag-loob

ACCENDE ME IGNIS AMORIS DEO ET ESTO MIHI PROTECTOR

Si San Uriel ang bantay sa araw ng Miyerkules kaya't siya ang dapat tawagan sa araw na ito.

Oracion

OLIVERATOR ET SALVATOR ET SALVATOREM

---------------------------------------------------

Nagtataka ako dahil marami ang humihingi ng orasyon sa pag-ibig. Medyo matatagalan muli bago ako makapag-sulat kaya't ibabahagi ko ito sa inyo. Nasa gagamit na nito ang pagtuklas at pagsisikap na magamit at mapatalab ang mga orasyong ito:

Ito ang urtula ni Haring David ng Jerusalem

Banggitin ng tatlong beses ang pangalan at apelyido _____________________ PENEPE EPE EPCI CHRISTI CHRISTO MANDURUM EN VETA AGASAK DAVID IGLURYARUM PERIVILABIT BENEDICTUM SAN MANUEL EGOSUM EGO DEUS PATER EGO DEUS FILLO EGO DEUS ESPIRITU SANCTO NATUSET MARIA VIRGENE EGOSUM SANCTUS SAPUTRES URTALICA NI DAVID NATUTULOG KA MAN NG MAHIMBING AKO PA RIN ANG IYONG AALALAHANIN, MABALISA KA AT AKO ANG IYONG PAGHAHANAPIN AKO SI _____________________ NA TUMATAWAG SA IYO SA ARAW AT GABI.

Kung sakali at magkita na kayo ng iyong minamahal at magkaroon ka ng pagkakataon na mahawakan mo ang kanyang mga kamay o palad, ibulong mo muna ito sa palad mo bago mo siya hawakan: BITAM MITAM SIGNE PACTIM IGNUM CRUSEM (phu 3x).

Subukan siyang tapikin (pasimple lang) ng tatlong beses sa balikat sa bandang likod matapos mong ibulong sa palad mo ang + MAHAL NA POONG SANGAROM MAHAL NA POONG SANTO DIPAN LOOB MO AY MAGTUBIG KATAWAN MO AY MANLAMIG SANTINAKTOM PAKTOM POSROM +

Maikling Pagtawag sa Pitong Arkangeles

2008-08-15T15:12:00.002+08:00

Tagubilin ni Lolo Indo na kung sakaling makumpleto mo na ang pagseserbisyo at panalangin para sa pitong arkangheles mayroong maikling panawagan sa kanila na magagamit sa kagipitan o sa mabilisang pagkakataon. Subali't magagamit mo lamang ito kung kumpleto na ang panalangin para sa pitong arkangheles at regular mo silang pinagdadasalan. Kung magagawa mo ito, darating ang pagkakataon na kilalang-kilala ka na nila at magagamit mo ang maikling panawagan o panalanging ito at paghingi ng tulong:

Angele Dei que custos est mei, me tibi commissum pietate superna, illumina custodi rege et guberna Amen. Eripe me de enemecis meis Angele Dei et ab insurgentibus in me libre me:

Micael Salve
Gabriel Deus
Rafael Suita
Uriel Casarca
Setiel Salacte
Judiel Meus
Baraquiel Etipani

Sa susunod ang panalangin para kay Arkanghel San Uriel, ang bantay sa araw ng Miyerkules.

Panalangin para kay Arkanghel San Rafael

2008-08-12T16:31:00.005+08:00

Si San Rafael ang Mayordomo ng Poong Diyos kaya ang taglay niya ay isda at tinapay.

PANALANGIN

Oh kamahal-mahalang Arkanghel San Rafael, kagamutan ng Diyos para sa kagalingan ng mga tao, sa lubos na pagpapakumbaba ay ipinag-aamoamo namin sa iyo na ikaw nawa ay maging tulong at sakdalan ng lahat naming kailangan, at gamutin mo ang aming kaluluwa na lipos ng sugat ng mga kasalanan, at gamutin mo rin ang mga sakit at karamdaman ng aming katawang lupa, upang magkamit kami ng kaligayahan dito sa lupa at sa langit man, Siya Nawa.

ANTIFONA

Rafaele Principe ait: EGOSUM UNUS EX SEPTUM QUI ASTAMUS ANTE DOMINE TOBIAM QUE SECUN ILLUM INOVIT ET DEMONIUM APREHENDIT RELEGAVIT QUI ILLUD IN DESERTO.

ORATIO

Deus qui extua inefabile benitate Beatum Rafaelem fidelibus tuis beateribus doctorem male que habentibus medicum ab incie constituiste suppliciter rogamus ut nobis imflerentibus opendicte. Principes astantis patefacius semitam salutis et egretudinumtam anime quam corporis salutatem medicam conceda. Per dominum nostrum Jeusm Christum, Amen.

Oracion upang maligtas sa mga Sakit at Karamdaman

ESTO MIHI ESCUTUM ET MEDICINAM CORPORIS ET ANIMAE

Si San Rafael ang Bantay kung araw ng Martes, kaya't siya ang dapat tawagan sa araw na ito.

ET CELIM ET CRUCEM ET CERGINEM

Langis na Panghilot

2008-08-09T00:55:00.005+08:00

May kasama tayo dito na nangangailangan ng langis na panghilot o pangmasahe sa may karamdamang katawan nais ko lang ibahagi ang naituro sa akin ni Lolo Indo. Ang payo niya sa akin ay magluto ng langis mula sa gata ng niyog na tamang tama ang gulang sa araw ng biyernes (mas magaling daw kung biyernes santo). Pagkatapos ay ilagay ang langis sa isang malinis na sisidlang bote. Mag-alay ng panalangin sa Diyos Ama at sa Panginoong Jesus na pagkaloobang maging kagamutan sa karamdaman ang langis na nasa sisidlan at pagkalooban ng bisa at kapangyarihan ang mga orasyon na nakababad sa langis. Ang panalanging iaalay ay 7 sumasampalataya 7 ama namin 7 aba ginoong maria 7 luwalhati at pagkatapos nito ay ikonsagra ang langis "Hoc est enim corpus meum hic est enim calix sanguinis mei novi et aeterni testamenti mesterium fidei qui pro novis et pro multis efundetur in remision em peccatorum Jesus hominum salvator". Isulat sa manipis at maliit na papel ang orasyong angkop na kagamutan sa karamdamang taglay (piliin sa sinulat kong mga orasyon para sa kagamutan ng mga sakit o karamdaman) at mag-alay ng panalangin sabay hiling na pagkalooban ng bisa ang orasyon. Ibulong ang orasyong isinulat at ihihip sa papel, bilutin ng maliit at ihulog sa bote ng langis at hayaang nakababad. Pwedeng maglagay o magbabad kahit ilang orasyong nakasulat sa magkakahiwalay na papel.

Habang hinihilot ang may karamdaman ibulong sa mga palad na may langis ang orasyon.

Palagay ko sa panahon ngayon, pwede ding gamitin ang virgin coconut oil basta't ang preparasyon ay gagawin din sa araw ng biyernes. Ang kagalingan nito pwedeng inumin ang VCO ng pakonti-konti.

Sa kasamang naghahanap nito, sana makatulong ito. Ipagkaloob sana ng Panginoon ang kahilingan mo.

Pagpapatalab ng mga Orasyon

2008-08-05T14:41:00.004+08:00

Para sa kaalaman ng isang kasama natin na nagtatanong kung ang mga orasyon ba daw na isinulat ko dito ay sapat ng usalin lamang at magkakabisa na. Ang sagot dito ay depende sa taong gumagamit at nagdadasal. Ang mga dasal at orasyon na nandidito ay patungkol at paghingi ng tulong sa Panginoong Diyos na nasa Kaitaasan o nasa langit na may likha ng sanlibutan. Ang paggamit ng mga orasyong ito na may kalakip na taimtim na pananampalataya sa Diyos ay malalangkapan ng bisa o kapangyarihan. Ang lihim na kapangyarihang taglay ng mga orasyong ito ay bumubukal mula sa pananampalataya ng taong nagtataglay nito at sa basbas, pagpapala at kapahintulutan ng Diyos Ama at Panginoong Jesus na lubos na nakakakilala sa katapatan ng loob ng nais gumamit ng mga panalangin na ito.

Subali't sa mga taong gustong pataasin ang antas ng pagpapatalab ng mga orasyon o upang magamit ang tinatawag na mas makapangyarihang mga orasyon tulad ng cabal sa balat, pagtatanong sa medalyon, pagpapabalik sa naglayas na tao o ninakaw na gamit, panggagamot ng mga mabibigat na karamdaman o karamdamang may langkap ng ispirituwal kinakailangan dito ang mahaba-habang sakripisyo at pagseserbisyo sa mga gamit na ito at sa Panginoong Diyos.

Ganundin sa mga taong nagtataglay ng mga simbolo ng iba't-ibang orasyon o lihim na Pangalan ng Diyos, tulad ng mga medalyon. Kailangan ang pagseserbisyo at panalangin sa Panginoong Diyos upang ang isa sa mga ispiritu na kumakatawan sa kanyang kapangyarihan ay tumira sa medalyon at sumangkap sa iyong katawan sa araw-araw. Sinabi sa akin ni Lolo Indo na pag dinadasalan mo ang iyong medalyon ay hindi literal na ang ibig sabihin ay ang medalyon mo ang iyong sinasamba dahil representasyon lamang iyan ng kapangyarihan iyong pinaniniwalaan. Ang panalangin mo ay patungkol sa Diyos at sa paghingi mo ng basbas at kapahintulutan na pagkalooban ng ibayong bisa at kapangyarihan ang mga tinataglay mong gamit at ganundin bigyan niya ng lakas ang kanyang ispiritu na sa iyo ay nagbabantay at gumagabay.

Kung ang mga gagamitin mong mga orasyon ay tulad ng tigalpo sa nagagalit, liwas sa kapahamakan, gamot sa karaniwang karamdaman, paghingi ng awa sa Panginoon, patigil sa mga nag-aaway, pakikipagkasundo at iba pang kahalintulad nito ang mga orasyong para dito ay mabisa kaagad at pwedeng usalin lamang basta't may pananampalataya mula sa pinanggagalingan ng kapangyarihang ito. Tulad ng simple subali't taimtim na pagtawag sa pangalan ng Panginoong Jesus sa oras ng kagipitan, hindi kailangan ang maraming ritual upang madinig ng Panginoong Diyos ang ating pagsamo, pagdadarasal at paghingi ng tulong sa pamamagitan ng mga orasyong ito.

Ang isang panalangin na madalas kong dasalin tuwing nasa biyahe ako ay "Verbo Jesucristo Jesus Impasi". Maikling dasal na tagaliwas sa lahat ng kapahamakan at disgrasya. Kahit sino basta't naniniwala sa Panginoong Jesus ay pwedeng dasalin ang orasyong ito bago umalis ng bahay, bago sumakay ng sasakyan o habang nasa sasakyan o daan.

Para sa mga kasamang nais palalimin ang kaalaman sa mga ganitong karunungan ang unang hakbang ay ang pagpapalalim ng inyong relasyon sa Panginoong Diyos. Sa mga handang puntahan ang antas na ito ibabahagi ko ang mga pamamaraan sa mga darating na araw.

Orasyon para sa kagamutan ng mga sakit o karamdaman

2008-08-01T14:05:00.007+08:00

Nais ko sanang ibahagi ang ilan sa mga orasyong ibinigay sa akin ni Lolo Indo na sinasabi niyang mabisang kagamutan sa mga sakit at karamdaman kung pagkakalooban ka ng Diyos Ama sa Kaitaasan at ng Panginoong Jesus ng kapangyarihan at kapahintulutan na mapatalab ang mga orasyong ito.

1. Sa masakit ang ngipin:

BUCOLUM BALALAM BIAM AM DIDIC DIO DIO JESUS (Bulong sa tubig na imumumog)
MIMITAM MANIC MITAM MATAM (Bulong sa tubig na imumumog)
EMAC EGOLUM (Bulong sa iyong kamay na ihihilot sa kamay at daliri ng masakit ang ngipin)

2. Sa Pilay (Ibulong sa langis at sa kamay na ihihilot)

MADMEO ACBIUS ROUDAE
ARAM AC-ADAM AM-ADAM
ARAM ADAM ACSIDAM VUC VOUC VAUC TAUOC

3. Sa Bukol (Tapal), Sa sakit ng ulo (Tapal at hihip sa ulo) -- kalimitan ang nagpapagamot sa kanya, may dala ng salonpas na pantapal

MATAM MAUM-RUM MOUM BEM

4. Sa pulmonya, sakit ng ulo at lagnat (bulong sa inumin at pantapal)

DATAM UMO BUSCUM BIL SABAOTH

5. Sa Tisis at pulmonya (panghilot din sa masakit ang likod at lalamunan)

AMAM SANCTUM AMAM TACA AMAM SABAB

6. Sa peste at sa iba't-ibang sakit

ECCE CRUCEM DOMINE FUGITE PORTIS AD VERCE VINCIT LEO DE TRIBU JUDA DAVID ALELUYA ALELUYA ALELUYA

7. Sa nanlalabong mata

ELEATA ELEBATO YTA DE ULA YTA DE DAPO TIBAC TIGMAC BALUARTO TIARAHA BALARA

8. Para maampat ang pagdurugo

MAR MAR PORAM LEETMES GENOTES PERAM PARAM

kung nasugatan at kayang tapalan ng papel ang sugat na nagdudugo, isulat ng dugo ang salitang INRI sa papel at ihihip dito ang basag nitong IGNE NATURA RENOVATOR INTEGRA bago itapal sa sugat na nahiwa o nataga.

9. Pantapal sa lahat ng sakit

EGOTE VAUME LAIUMI IBSA SEMPIMARATUTIC

10. Pasapa at pantapal sa bukol

YAHURA YAHURI YAHUYARI YBARIGAJO RAN
OCTE OACTE OACNE OANGE

11. Hihip sa mata ng napuwing

RICOTITAM MASUR RISURBO

12. Sa tamang hangin (hihip sa tuktok ng 3 ulit)

MEMENTOMO HOMO TUIS REBOESEMPO ESPO SUO BARES

13. Sa sinusubaan at kinakabagan

ESET ETAC ENATAC EDEUS GEDEUS DEDEUS

Sa susunod ang panalanging patungkol kay Arkanghel San Rafael. Mainam na sa halip na idownload at i-print lamang ang mga larawan at panalangin ay sipiin ito sa isang katamtamang laki ng notebook. Upang makumpleto ninyo ang koleksyon ng panalangin at orasyon para sa pitong arkangheles sisikapin kong i-upload din ang panalangin para kay San Uriel, San Setiel, San Judiel at San Baraquiel.

Sa mga darating na pagkakataon, ibabahagi ko din dito ang natutunan kong pagtatanong sa medalyon o sa Krus ng Santo Rosaryo at maging ang orasyon para makapagtanong kay San Antonio de Padua.

Panalangin para kay Arkanghel San Gabriel

2008-07-27T23:55:00.012+08:00

Para naman sa mga deboto ni San Gabriel. Narito ang mga panalangin patungkol sa kanya.

Ang medalyong ito ay ang tinatawag nilang krus na baligtaran.

Panalangin para kay San Miguel Arkanghel

2008-07-04T12:17:00.015+08:00

Sa mga deboto ni San Miguel Arkanghel at sa mga nagtataglay ng kanyang medalyon, ibinabahagi ko ngayon ang panalangin at panawagan sa magiting at matulunging arkanghel ng Diyos Ama.

Sana ay makamit ng sinumang gagamit ng mga panalangin, panawagan at orasyon ang basbas ni Arkanghel San Miguel at ng Diyos Ama sa Kaitaasan upang matamo niya ang ibayong bisa at kapangyahiran ng mga dasal at simbolo na ito.

Oracion ni San Miguel Arkanghel.

Ang larawan sa ibaba ay ang tinatawag nilang medalyong Hubad na Santo Nino.

May likas ka bang kapangyarihan?

2008-05-05T20:10:00.009+08:00

Gusto mo bang malaman kung may likas kang kakayahang magpatalab ng mga orasyon? Ibabahagi ko ang isa sa mga pagsubok na pinagdaanan ko noon kay Lolo Indo, noong sinubukan niya ako kung may likas akong kakayahan na magpatalab ng mga dasal at orasyon. Kung sa iyong pagsubok ay mapatalab mo agad ang orasyong ibabahagi ko ngayon dapat kang matuwa at magpasalamat dahil isa kang bertudes, kung hindi mo naman mapatalab ay huwag kang malungkot dahil ibig sabihin nito ay kailangan mo lang magsakripisyo, manampalataya at maghandog ng panalangin sa panginoong Jesus at sa Diyos Ama.

Una, kailangan mong maghukay sa lupa ng may lalim na hanggang siko at may katamtamang luwang. Hulugan mo ng katam-tamang laki ng bato (huwag batong buhay) ang iyong hinukay at tabunan ito. Ibulong mo sa iyong palad ang orasyong ito ng tatlong beses "Jutlay Jutlay Mamonglay kahit bato, kahoy ay durog" samahang mo ng tatlong "phu" sa hulihan ng ikatlong bulong. Manampalataya at suntukin ng tatlong beses ang ibabaw ng tabon ng ibinaong bato.

Hukaying muli ang hukay at suriin ang bato. Depende sa patalab ng orasyon, maaaring ang bato ay magkaroon ng pingas, mahati o magkahati-hati, o madurog. Maari din namang walang mangyari sa bato, subali't tulad ng sabi ko hindi madali ang magpatalab ng orasyon. Isa itong sakripisyo. Kung mapatalab mo ito, huwag gamitin sa tao o alagang hayop sapagka't maaaring makasakit o makamatay.

Kung sakaling maging matagumpay kayo sa pagsubok na ito, huwag sana kayong mag-atubiling magbahagi ng inyong karanasan sa pamamagitan ng blog site na ito.

Narito ang pamamaraan ng paggamit sa orasyong una kong sinulat na para sa cabal "Acdudum Amaruc Asaruc Ataluc Icob Rocub Baio Lepaus Naprap Hoc Est Enim Corpus Meum Cabal ka po ng buong katawan ko. Amen" . Nasa orasyong ito ang lihim na pangalan ng mga anghel na dumating at dumapo sa krus ni Jesus habang siya ay nakapako. Ayon kay Lolo Indo, mas mabisa ang cabal na ito kung sa alak ibubulong sa halip na sa tubig lamang. Dasalin at ibulong ang orasyon ng tatlong beses sa alak na nasa baso matapos orasyunan ang alak hipan ito ng pa-krus ng tatlong beses. Inumin ang alak ng tuloy-tuloy o isang inuman lamang, kaya dapat katamtaman lang ang dami nito.

Ang ilan sa mga pinagkaloob ni Lolo Indo

2008-05-02T11:34:00.005+08:00

Ang aklat na ito na may titulong "Karunungan ng Dios" ang isa sa mga unang pinagkaloob ni Lolo Indo matapos ang maraming beses nyang pagtuturo sa akin ng mga orasyon at dasal. Inaamin ko na sa madalas naming pag-uusap ng matanda at sa halos araw-araw ko syang nakikita na nanggagamot at kinukunsulta ng iba't-ibang tao ay nagkaroon ako ng hilig sa mga bagay na ito.

Walang anak si Lolo Indo, kaya marahil naging malapit siya sa akin at pinagkatiwala niya ang ilan sa mga iniingatan niya. Madalas ay naaaliw ako sa iba't-ibang tao na pumupunta sa kanya. Mayroong babaeng umiiyak dahil iniwan ng asawa at sumama sa iba. Pinaki-usapan niya si Lolo Indo na pabalikin sa kanya ang kanyang asawa at pahiwalayin ito sa ibang babaeng kinahuhumalingan. Nakakapagtataka, pero makaraan ang ilang linggo muling bumalik ang babae at pinasalamatan si Lolo Indo, bumalik na daw ang asawa niya at biglang tumino. Naalala ko tuloy ang kumento ng isang miron noong kumukunsulta pa lang yung babae. Sabi niya, "hindi na kailangan ang orasyon sa lalaking nangangaliwa, lagyan mo lang ng dinikdik na paminta ang brief pag hindi naman nangati ang ari ng mga hinayupak na yan". Mabuti na lamang hindi narinig nung babae ang impit naming tawanan, kung nagkataon nabulyawan marahil kami ni Lolo Indo. Mukhang nabubudburan na ng paminta ang brief mo kaya nasasabi mo yan, ang sabi ng isa pang miron. Oo, sagot nya, yung lintik kong asawa masyadong maduda, sa umpisa wala akong nararamdaman pero pag medyo tumagal na at lalo pag pinagpawisan ka, naku parang may maliliit na langgam na kumakagat sa bayag at habang tumatagal lalong kumakati at medyo mahapdi. Lintik nga yang asawa mo, sino ba naman ang papatol sa iyo e laging yung kalabaw mo ang kasama mo, ang sagot ng isa naming kasama.

Ang medalyong nakapatong sa aklat ay pinagkaloob sa akin ni Lolo Indo isang taon makaraang ibigay niya sa akin ang aklat. Biyernes santo noon ng kausapin niya ako na may ipagkakaloob siya sa akin sa araw ng linggo. Sabi niya sa akin, mas matanda pa sa kanya ang medalyong ito. Ang kasaysayan ng mga simbulong nakaukit sa medalyon ay buong-buong nakasulat sa aklat na ibinigay nya sa akin.

Alang-alang kay Lolo Indo mahigpit kong itinago at iningatan ang medalyong ito upang hindi mawala. Tuwing biyernes santo kinukuha niya ito upang dasalan at muling ibinabalik sa araw ng linggo. Natigil lamang ito ng mag-aral at magtrabaho ako dito sa lungsod.

Ang libritong ito ay pinagkaloob din niya sa akin ng sumunod na taon kasama ang maliit na krusipihong baligtaran. Mahigpit ang bilin niya sa akin na huwag pahawakan at ipabasa sa iba ang maliit na aklat na ito. Kaya, labis ang aking naging kaba ng mawala ang libritong ito. Nang pumunta ako kay Lolo Indo para sabihing nawawala ang aklat ay pinagsabihan niya ako na hindi ako nakinig sa kanya ng sabihin niyang ingatan kong mabuti ang librito. Ang sabi niya, halughugin mo ang lagayan ng damit ng iyong kapatid at naroroon ang aklat. Dagli akong umuwi, at tama si Lolo Indo, naroroon nga ang aklat sa taguan ng damit ng kapatid ko, subali't may isa ding notebook at ng buklatin ko ay nakopya na niyang lahat ang laman ng librito. Kinuha ko ang librito at iniwan ang notebook. Nang ipaalam ko ito kay Lolo Indo, sinabi niya na hayaan ko na lang ang kapatid ko, marahil daw ay hilig niya din ito.

Ito ang aking notebook na ginagamit kapag nag-uusap kami ni Lolo Indo. Dito ko isinusulat ang lahat niyang aral sa akin. Sa mahabang panahon ng aming pagkukwentuhan, halos napuno na ang notebook na ito.

Ang makinis na batong itim sa ilalim ay bigay niya rin sa akin. Ayon sa kanya nakuha niya ito ng minsang inabutan niya ang kanyang kalabaw na sinusuwag ang isang malaking punso. Halos mapatag na ang punso, ng makita niya na mula sa pinakagitna nito ay tumalsik ang isang itim na bato. Mabilis niya itong dinampot at hinugasan sa katabing ilog. Ibinigay niya ito sa akin dahil pag dala daw niya ito parang gusto siyang suwagin ng kalabaw. Nang tanungin ko siya kung anong uri ng bato ito, pabiro niyang sinabi na "ingatan mo iyan..., yan ang hasaan ng nuno sa punso", sabay tawa.

Naniniwala ba kayo sa agimat at orasyon?

2008-03-16T18:27:00.002+08:00

Noong bata pa ako may madalas akong may makakwentuhang matanda sa Quezon, si Lolo Indo tungkol sa mga dasal o orasyon at mga agimat. May mga pinakita pa siya sa aking mga maliliit na aklat, medalyon , mga kahoy, bato at mga orasyon. May binigay pa nga siyang mga aklat sa akin at mga dasal o orasyon.

Nakalimutan ko na sana ito, kaya lang noong isang buwan ay naglinis ako ng aking mga natatagong mga gamit at basura, hindi sinasadya ay nakita ko ang isang bag na naglalaman ng mga pinagkaloob nya sa akin. Habang isa-isa ko itong tinitingnan ay pinag-isipan ko kung itatapon ko na ang mga ito o itatagong muli, tutal naman ay hindi na ako masyado naniniwala dito. Masyado lang siguro akong namangha sa mga istorya ni Lolo Indo at sa mga taong nakakakilala sa kanya noong ako ay bata pa. Matagal ng namayapa si Lolo Indo at matagal na rin akong hindi nakakabalik sa Quezon kaya sa palagay ko wala ng halaga na ingatan ko pa ang mga pinagkaloob n'ya.

Subali't habang isa-isa kong tinitingnan ang mga ito, naisipan ko na, ano kaya kung sumulat ako ng blog tungkol dito upang malaman ko kung may mga kapwa ko Filipino na naniniwala pa rin sa mga bagay na ito. Dahil magmamahal na araw tamang-tama siguro na sulatin ko ito. Naaalala ko na napakahalaga kay Lolo Indo ng mahal na araw kung tungkol sa mga iniingatan n'ya ang pag-uusapan.

Sa makabagong panahon na kung saan masyado ng moderno ang mga teknolohiya, naghahari ang computer at kung ano-ano na ang mga relihiyon na pinaniniwalaan, may mga tao pa kayang naniniwala sa mga ganitong bagay.

Una kong dinampot ang isang medyo makapal na aklat na may titulong "Karunungan ng Diyos", subali't ng makita ko ang isang notebook na pinag-sulatan n'ya ng mga binibigay n'yang dasal sa akin tuwing kami ay magkukwentuhan ay naisip kong tungkol dito muna ang isulat ko.

Una n'yang isinulat doon ang mga dasal na ang tawag n'ya ay tigalpo sa nagagalit, kasi daw medyo pasaway ako kaya para kaunti lang o walang magalit sa akin dapat malaman ko ito. Ito daw ang tigalpo ng Panginoong Jesus sa lahat, "Jesus Amaguam Murciam Galinam Mitam Liberatris Egosum Jesus Pacuam". Mayroon ding s'yang isinulat na oracion sa pakiusapan, "Edeus Gedeus Dedeus Deus Deus Deus Egosum Gavinit Deus".

Dahil maraming aso sa lugar namin sinulat n'ya ang lihim na pangalan ng aso ni San Roque para hindi daw ako kagatin ng aso, "Santom Aratom Licom Kium Hum". Medyo inuubo ako noon, kaya binigyan n'ya rin ako ng dasal na dapat ibulong sa tubig bago inumin, "Luom Acduo Muao Cilim Vum Morus". Marami pa akong pwedeng isulat dito kung may pagkakataon at siguro kung malaman ko lang na may kabuluhan pa ang ganitong karunungan sa ibang tao. May mga binigay pa s'yang bulong sa alak o tubig para maging cabal at dahil medyo torpe ako noon may mga dasal s'yang pinagkaloob para mapa-ibig ang babaeng nagugustuhan.

Isa sa mga oracion para sa cabal na binigay n'ya sa akin ay "Acdudum Amaruc Asaruc Ataluc Icob Rocub Baio Lepaus Naprap Hoc Est Enim Corpus Meum Cabal ka po ng buong katawan ko. Amen".

Isa sa maraming bagay na hinangaan ko sa kanya ay ang kanyang panggagamot ng walang bayad. Bukod sa maraming s'yang napapagaling noon, na hindi ko alam kung tunay na mabisa ang ginagamit n'yang mga dasal o talaga lang masidhi ang pananampalataya sa kanya ng mga tao, marami din ang gumagalang sa kanyang mga payo at desisyon. Nagtataka nga ako noon kasi kahit ang mga may pera at kayang magbayad ng dalubhasang doktor ay nagpapagamot din sa kanya. Marahil ay napapagaling nga ni Lolo Indo ang mga ito kasi marami s'yang natatanggap na regalo, pasalubong at pagkain.